Union Public Service Commission saina achiata October – November, 2009 akhan Civil Services (Main) Examination ala um a, zani deu cha akhan result puandaw ahi. Zia na lawting te chun Personality Test maitua ding ahiu. Personality test a lawtinna a mu ua leh Indian Administrative Service, Indian Foreign Service, Indian Police Service leh Central Services (Group ‘A’ leh Group ‘B’) muding ahiu. UPSC thusuak in ataklatdan achun, Main a lawtinna changte’n a pawimaw hun a etchet thei ding ah original certificate chuamchuamte; age, educational qualification leh document mansa ah akawi uh pawimaw ding ahia, Personality Test hun ah original certificate a chawi uh pawimaw ding ahi. Lawtinna mute’n Personality Test amaituana ding un Commission’s website http://www.upsc.gov.in apat a Summary Sheet a lakdaw (download) uh pawaimawa mama ding ahia, Under Secretary (Shri D.B. Das), Room No.423, Ayog Sachivalaya Building, Union Public Service Commission, Shahjahan Road, New Delhi-110069 ah tuni apat ni 10 sung ngei ah Speed post a thawt uh ngai ding ti ahi. Personality Test chu 22nd March, 2010 akipan ding ahia, Union Public Service Commission office, Dholpur House, Shahjahan Road, New Delhi-110069 ah nei hiding ahia, April 6, 2010 in zawthian hiding ahi. Main ah lawtinna mulote’n a mark-sheet teu ni 60 sung ngei ah Commission’s Website ah muthei ding ahi. Tutiang ah kihiatdan in, ei lam thingtangmi 2 inle lawtinna amu’ a, amaute chu

1.            Stephen P Douthanlun s/o (late) P Chinsuanhang of Bible Hill, Lamka

2.            Hautinlal Suantak s/o S Minlianthang MCS of Lamphelpat, Imphal

Stephen chunk um masa akhan Assistant Commandant ala zikdawk a, Hautinlal Suantak inle kum masa akhan ACIO-II ala zikdawk hi. Hautinlal Suantak hi BA (Sociology) ahia, NEHU nuai in 2^nd position ala la ngai ban in Mr Zomi hina le ala khuk ngai hi. Amau 2 a lawtin ngeingei uh khawvaiphei.com in a dawisak mama hi.

Source: Manipur Express

Haubawi Suantak